張嘉兒滑雪發燒友
香港小姐冠軍張嘉兒在螢幕上總是斯斯文文，但現實中的她相當好動，熱愛滑雪和滑水。嘉兒表示以前在溫哥華總離不開滑雪：「由中學開始每個禮拜都會去滑雪，我滑得幾叻，我都攞咗牌，可以教初學者，而且仲可以跳同做一啲花式！」雖然嘉兒滑雪了得，不過她亦曾因「太搏」而受傷：「我試過滑到屈親隻腳，成個月行唔到，又試過因為飛得太高，然後屁股先落地，搞到做咗成個月物理治療。」
雖然嘉兒「戰績彪炳」，但仍無損她對滑雪的熱情，但奈何因香港不能滑雪，故她把興趣轉移至滑水：「因為香港海灘多、夏天長，所以有好多渠道接觸滑水！」原來她為了滑水，亦曾作過一點犧牲：「因為係戶外運動，成日要浸海水，所以曬得黑同皮膚易乾。其實有一年停止滑水，因為唔想曬得太黑同身形太橫，上鏡會靚啲！不過後來唔想放棄自己熱愛嘅運動，希望畀人一種健康、運動型嘅形象！」
張嘉兒是好動一族，滑雪和滑水一樣了得。
張嘉兒滑雪技術不俗，能做出跳躍動作。
騎水上電單車滑水亦是張嘉兒的興趣。