八月踏入49歲的Beyond成員葉世榮，去年底與26歲老婆結婚後，前日榮升老竇！不過，囡囡提早了一個月出世，令他大亂陣腳，昨日身在內地的他接受本報電話訪問時說：「真係失晒預算！尋日老婆打嚟話生咗囡囡，但自己喺成都做騷，嚟緊仲有10幾場騷，要月中先可以去探佢同囡囡。」
世榮指女兒重6磅半，雖然提早一個月出世，幸好母女平安：「自己都有少少慚愧，唔可以陪喺佢哋身邊，好在太太好體諒，叫我畀心機搵奶粉錢。第一次做老竇真係好開心，覺得好光榮，踏入人生另一頁。」
世榮表示因仍在成都開騷，暫時未能與搶閘出世的女兒見面。（黑白圖片）
