Soler爆趙又廷唔識打呔
組合Soler於電影《痞子英雄之全面開戰》中首度飾演大反派殺手角色，大孖Julio大讚導演蔡岳勛有眼光：「雖然我同細佬係雙胞胎，但導演睇到我哋有不同之處，特別設計咗兩個性格迥異嘅殺手角色畀我哋，我比較冷靜，視殺人係工作，細佬嘅角色就比較乞人憎，視殺人為遊戲。」由於該兩個殺手角色都要有很好的身手，所以Soler需在電影拍攝前兩個月到台灣接受一連串地獄式體能訓練。
談到戲中的拍檔趙又廷，Soler指私底下跟他是好朋友，大家經常在片場鬥Chok，Julio說：「我哋好鍾意玩Chok嚟引大家注意，我當咗佢係我另一個弟弟，因為佢唔擅長打呔，所以好多時會求救叫我幫手，當我幫佢打嘅時候，啲劇組人員一定起哄笑一餐。」
黃渤（左起）、趙又廷和Soler，日前出席新片宣傳活動。