邵音音挑戰舞台孖焦媛「開火」
兩屆金像獎女配角邵音音首度演舞台劇，與焦媛合演《飢餓藝術家》。焦媛坦言邵音音答應演出，感到很榮幸：「音音姐好勤力，首日綵排已背熟劇本，非常佩服！」劇中焦媛患上厭食症，需努力減肥配合角色，她說：「我原本諗住減肥，點知減極都係一百磅，最想減多五磅。（男友擔心？）都有叫我小心身體，導演又話唔使過分減，以免減過龍！」
至於首次演舞台劇的邵音音，坦言演舞台劇是個人夢境：「劇本真係寫得好好，當中有好多變化，劇入面會有好多個時間階段。舞台上一分鐘內已經講緊好多年嘅事，角色演繹要好快轉變，覺得係一個挑戰！」她表示要做到最好來回報觀眾和老闆：「人哋搵得你都要同人交代先得o架！我會做到最好，同焦媛擦出火花以回報觀眾！」她笑言面對焦媛有壓力，心情複雜！
邵音音（左）與焦媛同是演得之人，相信觀眾必很期待兩人同台演出！