陳柏宇盼演「同志」咀男星

形象潮爆的歌手陳柏宇（Jason）早前登陸ontv《娛樂on Show》時，竟自言不用工作時相當Casual，平日出街只有兩三件戰衣，而近年闖影圈的他更語出驚人表示想接拍同性戀電影，與男藝人咀嘴亦冇問題。

入行6年的Jason早前登陸資訊又快又新的ontv《娛樂on Show》，與主持人俞詠文分享過去6年在娛樂圈的日子，他坦言為保持年輕，不惜每晚敷Mask。談到一身潮爆打扮，他卻自言不是潮人，平日出街Casual到爆，更笑言整個衣櫃的衫只會穿兩三件︰「有時買咗新衫都唔敢着，怕太潮過唔到自己嗰關。」

講「動L」尷尬

談到在電影《喜愛夜蒲》中的多場親熱戲，俞詠文以「動L」舊事取笑他，Jason聞言即尷尬大笑︰「多謝大家讚賞。」其後又自爆愛拍同性戀電影，喜歡與男星親熱多過女星︰「我會鍾意同男仔嘅戲多過同異性有床戲，可能拍拖要同女朋友解釋，如果我話佢聽一係同女仔拍床戲，一係就同男星拍咀戲，佢會叫我同男仔拍多啲囉！」Jason坦言不介意與男星咀嘴︰「喺呢個Moment我會答你得，但要到真正拍先知，睇吓可唔可以投入到個角色。」

Jason語出驚人令現場嘩然，想知為何他會有如此念頭？想與誰做對手戲？想了解多些Jason的感情生活，請即Click入ontv看Jason的訪問啦！