蒙嘉慧爆伊健「盜用」信用卡

蒙嘉慧昨日出席遊戲機活動時大爆男友鄭伊健用其信用卡買Game，令她以為信用卡被盜用，對於再被追問婚期，她笑說：「我唔心急，成日講我怕伊健會厭！」

跟鄭伊健相戀多時的蒙嘉慧（YoYo）昨日於灣仔出席由PlayStation舉辦的《晶瑩白 PS Vita首賣日》活動時，大爆伊健「使女人錢」：「我以為信用卡被盜用，買咗幾隻遊戲，但原來伊健用咗！我唔記得之前叫佢唔好用上限太多嘅信用卡上網買嘢，所以佢用咗我嗰張！」並透露去年聖誕曾以為伊健會送她遊戲機：「佢買咗兩部遊戲機，點知有一部係拎去抽獎，我冇份！」

再被追問婚期的她又說：「我唔心急，成日講我怕佢（指伊健）會厭！」早前伊健遠赴瓦努阿圖拍旅遊特輯，問到可會想在當地結婚？YoYo說：「唔使去咁遠，近近哋隔籬街都得！（末日前結婚？）我要拍劇，伊健開完演唱會我都冇時間。」

茵媺曬黑 陳豪OK

同場的陳茵媺透露好友麥長青的囝囝爭着當其「保鏢」：「佢好鍾意遊戲機㗎！（你生番個？）唔好講啲咁嘅嘢！」並笑言若大會多送一部遊戲機給她，她會轉贈男友陳豪。茵媺因拍劇而曬黑，問到陳豪是否喜歡？她甜笑說：「我冇問，應該OK！（佢幫你搽防曬？）冇呀，我自己搽！」