JJ眼濕濕拒翻撻沈震軒
無綫藝人賈曉晨（JJ）與沈震軒（Sammy）一直否認拍拖，惟近日男方被指與內地女星劉羽琦在新戲《喜愛夜蒲2》肉搏撻着而跟JJ分手。昨日JJ出席活動時殘爆兼眼腫，否認情傷的她全程眼泛淚光力撐男方專一，但又強調與男方沒有拍過拖，但當被追問會否翻撻時卻漏了口風：「暫時冇機會！」她又將男方由好友降呢至「好似同事咁嘅朋友」：「總之我依家冇拍拖！」
而Sammy接受電話訪問時否認新舊緋聞：「我同劉羽琦喺戲入面場場親熱戲都好激，所以要事先溝通，依家佢返咗北京都好少聯絡！（同JJ關係點？）一直只係好朋友。」而日前他接受專訪時曾直認與劉羽琦在鏡頭前有過電：「咁先有說服力！」劉羽琦則透過經理人說：「唔係事實唔回應！」但昨日凌晨她上載與Sammy肉搏的劇照示威！
眼腫腫的JJ力撐沈震軒，講到眼泛淚光！
沈震軒