舒淇吳彥祖睇首演開眼界

活色生香的歌舞薈萃《Taboo色惑》在澳門新濠天地作全球首演，吸引名人紅星捧場，包括舒淇、吳彥祖及趙世曾與女友等，星光熠熠！

澳門新濠天地繼譽滿全球最大型的水上匯演《水舞間》後，再與靈感創作大師Franco Dragone合作，創作出活色生香的歌舞薈萃《Taboo色惑》。昨日在新濠天地「嬌比」作全球首演，吸引舒淇、黃耀明、吳彥祖、榮雪梅夫婦、錢慧儀與老公馬清揚、孫大倫夫婦、趙世曾與女友等名人紅星慕名而來，場面星光熠熠！

而大會特別設置一個大型紅唇擺設，更安排四位身穿內衣的性感女演員大擺誘人甫士，色誘現場觀眾！

吳彥祖官仔骨骨亮相，坦言非常期待此表演。提到騷中有不少性感演出，他笑說：「係Bonus嚟嘅，我一向都鍾意睇雜技，挑戰人體極限，真係好好睇。（會唔會畀老婆Lisa S.扭耳仔？）我講咗佢聽，Table Dance佢都畀我睇，淨係睇啫，冇乜大不了。」並表示下次必定陪老婆一齊欣賞此騷。

趙世曾拖女友捧場

至於舒淇以Deep V短裙示人，問到會否擔心同場的何韻詩因「龍兒戀」而傷心？她說：「我擔心自己多啲，對鞋嘅踭好高！」她表示剛回港不太了解事件，但認為旁人不應評論太多，最重要大家開心及世界和平。而趙世曾亦與女友手拖手到場睇騷晒恩愛。