薛凱琪畀大漢圍嚇到喊

下月舉行個唱的薛凱琪(Fiona)昨日到排舞室練舞,期間賣力跳舞致跌膊,又被舞蹈員抱起倒豎葱,她直言剛開始排練時經常跌倒,她說:「佢哋抱起我試咗好多次,有時唔順手,搞到一齊跌咗好多次,有次額頭仲撞到橫樑!」她又自爆早前被同事整蠱:「有次排舞有兩個整冷氣嘅人話要合照,但同事唔畀,之後嗰兩個人搵咗十個紋身大漢嚟,佢哋話大佬生日,叫我唱首生日歌,嗰下覺得好委屈,所以喊咗出嚟!」她知道只是被整蠱後呆了五分鐘。

Fiona預告個唱沒有辣身舞,但倒豎葱一樣有睇頭。