偉仔學友半百聚首斟拍喜劇

20年前梁朝偉和張學友合演的喜劇電影《阿飛與阿基》成為經典，雖然二人花不再，但在偉仔前晚舉行的半百牛一派對上，一眾好友拉攏偉仔與學友再演喜劇，搞到施南生心郁郁開戲給神級偉仔與學友。

在廣州趕拍電影《一代宗師》的梁朝偉，適逢50歲牛一，一眾好友原本打算拉隊到廣州賀壽，但偉仔獲導演王家衛放假一天，返港出席老婆劉嘉玲為他舉行的生日派對。派對上星光熠熠，除了鍾鎮濤（阿B）、呂方、杜德偉、葉童與老公陳國熹和吳廷燁前晚早早雲集偉仔山頂寓所之外，張學友、林青霞、施南生、上山詩鈉、爾冬陞太太及榮文蔚等亦有出席，學友還帶同久未露面的太太羅美薇做神秘嘉賓，難怪壽星仔全晚勁High。

偉仔變成人肉布景板不停合照，難得性格內斂的他Chok甫，有人提議偉仔與同樣半百的學友再合作，重拾二人《阿飛與阿基》、《東成西就》、《東邪西毒》之經典，眾人紛紛附和。席間偉仔又與學友、阿B、呂方等彈結他Jam歌，包括張國榮的名曲。據知，施南生早已有意拉攏偉仔和學友拍喜劇，她在電話中受訪時直認不諱說：「梗有興趣啦！兩個都咁有喜劇細胞、Keep得咁好！」她表示要有好劇本才敢落實，並考慮邀請爾冬陞執導。

羅美薇難得露面

派對如此盡興，嘉玲功不可沒，她說：「多謝澤東同王家衛放佢一日假，都係臨時臨急Call朋友！」她透露送了實用的禮物給偉仔。最讓偉仔高興的是羅美薇現身，連嘉玲也不禁說：「好多年冇見，好開心！」