楊超成避談阿哥言論
名人楊超成、樂易玲、名模Jocelyn及Anthony等前晚出席活動,楊超成表示閱報才知「龍兒戀」,對於哥哥楊受成指劉浩龍「很笨」,他只說:「係人哋嘅私人問題!」問到女兒楊永晴與男友分手一事,他說:「我好開通,仔女嘅感情事我好少過問!(想唔想個女快啲搵到新男友?)順其自然啦!」
同場的樂易玲則笑對「龍兒戀」:「可能佢(劉浩龍)唔識面對你哋,既唔想否認、又唔想講大話就變成咁,最重要兩個人開心!楊老闆好錫祖兒,好似家長式咁將心底話講出嚟!我同祖兒熟啲,不過感情事,畀多啲空間佢哋啦!」另外,對於羅力威被指太有「亞視Feel」而一度遭無綫踢出表演環節,她說:「我哋係大台,咪畀多啲機會佢,等佢洗咗亞視Feel囉!」
楊超成不願評論「龍兒戀」,留空間予當事人。
Anthony與Jocelyn愛得大方,一直相當公開。