基仔撐最緊要開心

「龍兒戀」成為熱話，歌手古巨基（基仔）及林峯前晚錄影《勁歌金曲》錄影不忘「加兩句」，基仔坦言早前見到祖兒時，有跟她說最緊要自己開心，對方當時點頭：「我習慣人哋嘅感情事唔多加評論，畀啲空間佢哋處理！（無聲支持？）支持！佢哋識得點處理！」對於戀情被形容為「女尊男卑」，他說：「唔評論，總之我錫祖兒！」對於楊受成指劉浩龍笨，基仔說：「老闆成日催我成家立室，我一向低調！」至於林峯坦言羨慕可公開戀情，有說他都可以？他說：「有先得o架！（楊受成話佢笨？）感情事唔畀太多意見喇！」他又指公開戀情後可以拖手出街，希望有此一天。

基仔曾被老闆催婚，但看來他懶懶閒喎！

林峯翹埋手又笑笑口，明顯事不關己。