劉浩龍知衰封嘴急搵救兵擋駕
劉浩龍（師兄）昨日繼續為CTI新劇《第二人生》拍攝外景，面對「新歡」容祖兒與「舊愛」何韻詩分別見人，師兄竟搵救兵！事緣當記者到達外景場地時，他竟一度向所屬公司求救，最後仍抵不住記者追問，只好禮貌地說：「其實我自己都覺得唔應該再講！」明顯怕講多錯多！
昨日轉玩封嘴的師兄，頻頻與拍檔對劇本，努力投入角色，記者不斷問到是否如外傳遭祖兒「狠飛」及受公司壓力而封嘴？他說：「唔好意思，已經講過唔再答！（受到壓力？）真係唔好意思，公司都叫我唔好再答，其實我自己都覺得唔應該再講！」不過講到拍劇，他不禁大呻辛苦：「最辛苦之前拍球場戲，烈日下暴曬，由朝拍到晚，曬到暈咁滯！」
師兄終於捨得收口，希望為時未晚，專心工作罷~啦！