羅力威《紅白》復活

英皇新人羅力威因捲入唱片公司及無綫的「放料」風波而慘變「人球」，日前無綫高層余詠珊以他是亞視出身為由，踢出下月舉行的《紅白鬥》，但轉個頭羅力威又稱將於節目中「重生」，惹來英皇發功令無綫讓步之嫌！

無綫製作部總監余詠珊日前在《2012翡翠歌星紅白鬥》記者會上，以「唔贊成羅力威變咗亞視代表咁出現」關係，取消他的演出，不過事隔兩日，羅力威昨日到電台宣傳新碟時，又稱收到公司通知，將亮相《紅白鬥》！問到是否唱片公司力爭，他說：「係公司安排，我對無綫冇失去信心，好期待呢次機會，係我第一次亮相無綫，但未知會表演咩。」並揚言未有感到無所適從。

英皇高層吳雨昨日接受電話訪問時表示，節目製作權在電視台手上，唱片公司只是作出配合及處於被動角色，並體諒《紅白鬥》臨時作出變動：「呢個係大型節目，好多歌手演出，有改動都不足為奇，總之英皇同無綫關係友好。」

個唱訂票速爆

至於余詠珊亦改口風，指當日Out羅力威出局與「度橋」問題有關：「之前有人以『亞視歌手』介紹佢出現，我覺得唔可行，但依家度到另一條橋，我冇唔畀佢做！」問到是否受壓，她即強調：「冇受任何單位壓力！」

此外，羅力威將於8月1至3日在九展開騷，優先訂票於5分鐘內火速爆滿，他說：「好開心，我擔心自己都買唔到飛，要向同事求助！」