湯洛雯李渼琦翹手扮Friend

14位候選香港小姐昨日在電視廣播城練舞，並進行一對一比賽。張鈞美大晒一字馬、卞曉帆扭腰又扭籮、林泳淘則跳得像「蒲精」上身。對於獲陳百祥（阿叻）力撐她，湯洛雯說：「每人審美眼光都唔同，實有人覺得你靚同唔靚，都唔係第一次聽，唔會唔開心，多謝阿叻讚美。（想王晶留意你？）希望佢留意自己優點，但係跳舞就一定唔係。（有咩優點？）高度囉！（覺自己平凡？）每個人優點唔同，睇吓對方鍾意乜嘢類型。」

現場湯洛雯與傳不和的李渼琦突然變老友翹手合照，湯洛雯說：「不嬲冇話嗌交，佢話冇講過話我蝦佢，睇到新聞佢唔開心，我主動同佢傾番偈。之前係有掉毛巾落佢張床度，Say咗Sorry！」而李渼琦被問到是否原諒對方？她說：「Nothing to Forgive，is OK！」但她跳舞時忘記舞步：「唔緊要，Free Style自己諗囉！好過企喺度唔郁。」現場所見，林泳淘大髀上有疤痕，她指是給電髮夾「辣」傷，已向朋友訴苦，因擔心將來嫁唔出。