陳祉妤認分居復工非為錢
這邊廂張馨予嗌分手，那邊廂多次傳婚變的模特兒陳祉妤（前名陳沛嘉）昨日與陳敏之及Lisa S.等齊為《浪琴錶香港國際賽事簽約儀式》活動行騷。以露背裝上陣的陳祉妤表示這次是近一、兩年首次重投工作：「因為好多屋企嘅Issue放低咗。（之前講到你好似退休？）唔係，我從來都好熱愛工作，想Keep番個工作狀態，感情暫時放埋一邊。」問到現時到底是離了婚還是正在分居，她終承認已與彭文堅分居：「我希望有新嘅開始，呢一、兩年同另一半已經分開咗喺唔同嘅地方生活，我開始獨立生活，另一半一直對我好支持我，互相祝福。（辦妥手續？）仲未辦妥。（復出係因為經濟有問題？）唔係，我係一個樸素嘅人，經濟方面我多年嚟都有穩定收入、有儲蓄。」她透露早前新車落地，足證經濟冇問題。
陳祉妤搞掂分居，重新投入工作。
陳敏之未有時間計劃結婚，但婚後一定會生BB。