劉浩龍鞠躬認衰唔認扮大哥

容祖兒昨午返公司英皇開會，化了淡妝、穿薄恤衫襯螢光粉紅手袋及Leggings的她，由同事及保安開路。問到戀情有否影響睡眠？她說：「瞓到覺。」但對於有否與師兄電聯，她則入了升降機，未有回應。至於另一當事人何韻詩昨日雖然身在香港，但繼續潛水避世。

此外，劉浩龍（師兄）昨晚完成新劇《第二人生》外景收工，得悉楊受成批評他笨，他強顏對記者說：「辛苦晒，聽日見！」即登上友人座駕，試圖兜圈多次欲撇甩記者不果，返抵大坑寓所。

而師兄昨午拍新劇前，就日前被指為避傳媒而推劉心悠淋雨鞠躬認衰：「同大家講聲唔好意思。（點睇祖兒親筆信剖白戀情？）佢講過一次，唔講啦，我依家首要拍好個劇。（努力拉近同祖兒距離？）我係同自己有距離，想把握機會追番。」問到與祖兒是否感情穩定？他即拉着同劇演員Joey Tang（鄧建明）做擋箭牌說：「問我哋感情點喎？」鄧健明即笑說：「如膠似漆！」

至於與何韻詩的關係？師兄說：「永遠好朋友。（佢避走台灣療情傷？）唔知！（你喺微博向佢求過婚？）微博不必太認真。（鍾意祖兒係咪認真？）畀我專心拍劇吖！（MV導演Heison暗指你撬牆腳？）冇睇，答唔到。（祖兒叫你低調？）我依家都好低調。（但你高調宣布戀情？）我依家高調宣布我拍緊劇，你記住寫！（你戀上天后即扮大哥？）一睇就知我唔係。（話你扮呀！）識我嘅朋友會知我係點。」