李蘊跑步升Cup 攻寫真

突然升Cup的李蘊大爆跑步豐胸，迎接即將到來的書展「寫真戰」，與一眾o靚模女星正面交「峰」！她揚言不會視任何人為勁敵，更會送寫真給新歡緋聞男友泥鯭！

歌手李蘊將於暑假推出第三本寫真集，對於最近被指「再度發育」，上圍升Cup至32C的她堅稱是跑步有功：「升咗Cup全靠我成日去跑步嘅功勞！（唔驚胸部下垂？）唔怕，我身材都唔係好勁！」她又大呻在吉隆坡拍攝寫真時幾乎「禁食」，因為工作很忙，每次食飯只有短短15分鐘！

送書畀緋聞男友

問到會否送寫真給台灣魔術師緋聞男友劉謙？李蘊顯然有所避忌：「有機會先啦！唔想講佢咁多！（你哋甩拖？）唔想畀人話我借佢做宣傳。」但提到另一緋聞男友RubberBand成員泥鯭，她即雀躍表示會送寫真給他：「唔知佢（泥鯭）想唔想睇呢？想睇咪送畀佢！」

對於同期很多o靚模女星推出寫真，如「模媽」Mia、「爆E超蓮」鍾采羲等，李蘊揚言冇勁敵：「我唔會視任何人為對手，我估啲Fans都唔只買一本咁少，所以又未到有你冇我嘅地步！」但她坦言如果要揀的話，會支持師妹內地o靚模陳小寶（Kingboo）：「因為佢好靚女，又係網上紅人，我微博都關注咗佢！（唔支持另一師妹內地車模趙雨菲？）趙雨菲比較成熟，我鍾意Young啲！」