阿叻反嘲王晶 白內障唔收口

陳百祥（阿叻）力撐今屆港姐水平高，即遭老友王晶於微博「柴台」，前晚阿叻出席活動時「發功」反擊，指王晶年紀大白內障看不清，更笑指對方應該「收口」，不要胡亂批評。

溫拿四虎、阿叻、張國強及任達華等前晚出席《精工'82球迷會成立三十周年慶祝晚宴》，對於王晶踩候選港姐「水皮、波平、糟糕」，力撐港姐的阿叻不甘眼光受質疑，寸爆王晶年紀大有白內障，更說：「啲人上得大陸多變港燦，老友都咁話，佢老細（陳國強）買咗㗎（意指入主TVB），叫佢唔好亂講嘢，幾十歲人唔收口，唔怪得仲要撈。」有指他偏幫世姪湯洛雯？他澄清不認識其父湯鎮宗：「佢（湯洛雯）樣樣都好平均，唔係計『大』嘅！」

傳張名雅內定入圍

另外，昨日有讀者爆料指候選佳麗張名雅早年曾選港姐，惜初段已被淘汰，當時揚言不再選，但今年挾着「舅公」張堅庭之名參選，雖被評判指樣Cheap，但由於收到高層「指示」，她照樣可入決賽，張堅庭至截稿前未回覆。另一候選港姐林泳淘則在港姐fansbook感激父親為她收集港姐報道。

晚宴期間，身為精工1982年球迷會會長的譚詠麟，指曾志偉是1984年球迷會會員，因經常一起踢波，故1985年組成「明星足球隊」。提及近日爆出「龍兒戀」，阿倫說：「劉浩龍成日嚟練波，早排見佢執鬚幾吸引，可能就咁吸引祖兒。」同場的陳友則呻買不到阿倫與杜麗莎演唱會的門票，阿倫即說：「我都Cut咗五場飛！（開Part 2？）唔係話開就開。」

港姐大起底

爆料熱線：3600 1022

爆料傳真：3600 1000

爆料email： entertainment@opg.com.hk