羅仲謙怕被扭耳仔 急避JJ
藝人羅仲謙、馬德鐘和黃智雯等，昨日到沙田為無綫參加龍舟比賽兼宣傳新劇《飛虎》，最終第六名過終點。當羅仲謙遇上同場的賈曉晨（JJ）時，即笑言要避開對方。原來兩人早前拍廣告時，JJ被指胸壓羅仲謙，問到是否怕緋聞女友楊怡扭耳仔才避開JJ？他笑說：「怕畀媽咪扭耳仔多啲！」
而馬德鐘以前曾代表湖南衞視參賽，他即擦鞋說：「依家幫TVB意義更重大。」問到與羅仲謙會否除上衣？他們稱劇中多裸露上身，故現在不會脫。任鼓手的黃智雯則說：「我學過打鼓，但係Jazz。（怕唔啱Beat？）唔怕！」
羅仲謙騷麒麟臂扒龍舟，黃智雯則擔任鼓手。
JJ（前排右起）、唐詩詠和王君馨等做啦啦隊打氣。
馬德鐘並非第一次扒龍舟。