蔣麗莎湊女狼狽推車

陳浩民頻頻赴內地賺奶粉錢，獨自留港湊女的老婆蔣麗莎，不時相約姊妹飲茶解悶。日前她相約同樣帶住BB的女友人，在中環歎茶兼傾湊B經。蔣麗莎全程抱實半歲多肥嘟嘟的囡囡陳雅薷，忙到完全冇時間進食，直至離開之際，囡囡突然扭計不肯坐BB車，蔣麗莎惟有一手抱女、一手推BB車，狼狽不堪！其囡囡有媽咪抱即時唔喊，更得戚地眼睩睩到處望，繼而滋味地吮手指，樣子相當可愛。

蔣麗莎單獨湊女，狼狽萬分。