師兄劉浩龍前女友鄭融前晚出席電台訪問時承認，得知「龍兒戀」後感愕然：「估唔到！我都係睇新聞同傳媒朋友打畀我問先知！」節目中又講到分手是否要狠，鄭融認為分手後雙方應可再做朋友，亦不應認為提出分手的一方一定是衰人。昨日，她突然決意剪掉長髮，去舊迎新，未知是否受到緋聞影響！另外，曾與師兄傳緋聞的「黎明愛將」文詠珊（Janice Man）昨日在微博轉發一段留言，大意是鼓勵人再煩也別忘記微笑，似暗撐受千夫所指的師兄！
文詠珊藉轉發留言，似向緋聞舊愛劉浩龍打氣。（資料圖片）
