Annie G.貪夠勁 明撐自己友

頭髮金金哋嘅索模Annie G.（吳燕安），驟眼望十足鬼妹仔，搵佢做「歐國妹」當然適合不過！Annie實情係中國同西班牙混血兒，佢話西班牙應該可以成功衞冕，唔使擔心！仲教一眾姊妹，最好送件波衫鎖住心儀對象個心添！

「一支獨大唔健康」

有一半西班牙血統嘅Annie當然支持「鬥牛國」，但佢亦話今屆主辦國烏克蘭踢得唔錯，雖然出局都抵撐：「係人都知西班牙勁，不過球壇有唔同球隊，一支獨大其實唔係咁健康！烏克蘭呢類東歐國家，踢波都好好睇，希望佢哋下次努力！」依家做埋主持嘅Annie果然口才了得，成個足球名家上身咁款！

Annie依家除咗Model工作，好多時都會落夜場做DJ打碟，佢用酒嚟打比喻：「伏特加夠勁、夠刺激，就好似烏克蘭踢波嘅風格，西班牙紅酒亦好飲，配火腿好味，兩樣嘢可以共存，冇衝突o架！」歐國盃期間當然唔止飲酒，要睇波有氣氛，買番件波衫就最好喇！Annie話姊妹可以趁機向心儀對象暗示：「查清楚對方鍾意邊隊，買定兩件波衫，一件畀佢，一件畀自己，自己件波衫印佢個名，咁就浪漫得嚟又唔會過火位！」

為心儀歐國妹給力

Annie呢個「歐國妹」確係有計，即刻Download由《東方日報》同《太陽報》為歐國盃推出嘅「歐國波Something」App，喺入面嘅「歐國妹Polling」中全力為佢打氣，仲有機會喺觀塘apm同Annie一齊睇歐國盃決賽添！

想同娜姐一齊睇決賽？快啲玩歐國妹Polling投票喇！

名額100名：每位勝出者可攜同一名親友出席2012年7月2日凌晨舉行之「我和女神終極決賽約會@apm」活動，與索模近距離睇歐國盃決賽。

遊戲日期：2012年6月1日至6月25日

參加者可於活動期間透過http://football.hkjc.com及「歐國波Something」App，參加歐國妹Polling為歐國妹打氣。參加者每日可進入以上兩個平台各打氣一次。此外，每場球賽開始後的指定時間內，可再進行多一次打氣動作。打氣次數最多及最快的100名參加者，便可出席「我和女神終極決賽約會@apm」活動。

得獎名單：得獎名單將於2012年6月25日於「歐國波Something」App公布，所有得獎者於2012年6月26日至29日期間獲個別通知。

「歐國波Something」索女加盟

睇咗咁多日波，係咪有啲齋齋哋？喺Android同iPhone都有得下載嘅「歐國波Something」App，除咗周秀娜同佢七位師妹外，新加入多名靚女同你傾偈，組成「球愛大作戰」，呢班靚女來自唔同界別，更有一個共通點－索！歐國盃同靚女都想要？咁貪心o架！咁奇特嘅要求，睇怕只有「歐國波Something」可以滿足你。