盧巧音回歸舞台：我仲未死

久未開騷的女歌手盧巧音，日前擔任《娛樂onShow》嘉賓，除了與主持人周吉佩（吉吉）大談轉戰幕後的辛酸史外，更預告下月的音樂會中以歌會友：「我仲未死！」

當年憑《垃圾》及《好心分手》而人氣高企的盧巧音（Candy），日前在《娛樂onShow》中自爆《好》歌已唱得太膩：「如果成日唱《好心分手》，我真係想嘔！首歌雖然係好好，不過唱得太多喇！曾經同填詞嘅黃偉文講過：『我唔得喇！』試過唱到個腦空白，有兩句唔記得咗！」

Candy近年轉戰幕後，吉吉問到工作內容？她即嘆了一口氣：「嘩！煩囉！譬如你要做導演，你要諗好多概念，又要諗舞台嘅嘢，要記好多技術上嘅名詞！」她坦言雖然做幕後比做幕前更難賺錢，但她自覺更快樂及自由，而且當中學到的東西也是很值錢！

收起性感 以歌會友

Candy將於下月舉辦小型音樂會，重拾舞台的感覺，不過她似乎怕別人已遺忘其歌手身份：「今次趁機會可以做番啲嘢向歌迷交代！我要話畀佢哋聽我仲唱緊歌，我仲未死o架！（性感上陣？）嗰個時間都過咗，要谷胸或者點樣都做過，所以唔打算性感，只係諗住以歌會友！」