李亞男晨早冇得「滾」孖祥仔搵食
前華姐冠軍李亞男（Leanne）最近與男友王祖藍的好友阮兆祥合作無綫劇集《衝吧！瘦薪一族》，劇中與祥仔談情說愛的Leanne，私底下最愛與對方講飲講食：「我哋每日開工，打完招呼第二句就係『陣間食咩』，最記得有朝喺九龍城開工，我忽發奇想問祥師兄打唔打邊爐，佢聽完後嚇咗一跳話『晏晝都難搵啦，何況晨早？』，之後就車咗我去間好出名嘅食店度食牛雜，都好好食o架！」
由於新劇角色有自己初入行的影子，Leanne回想當年最大的缺點是愛「唔明扮明」：「因為我廣東話唔係咁好，有時成大班人傾偈時我可能會Lost咗，但為咗融入個圈子，我會笑住點頭扮明，咁唔係幾好，好彩依家改咗！」
愛食的李亞男開工時常與祥仔交流飲食心得。
李亞男的廣東話雖然有待改善，但無阻其演藝事業的發展。