羅泳嫻得老公批准兩年唔造人
無綫藝人羅泳嫻數月前開始學習芭蕾舞，她說：「因為之前拍《耀舞長安》發現好多動作都做得幾吃力，完咗個劇就覺得既然一套劇都拍到，又點會畀跳舞難倒？所以決定學芭蕾舞，因為跳舞有好多肢體動作，對拍戲會有幫助。」
外表硬淨的羅泳嫻學跳芭蕾舞並非三分鐘熱度，為求做到最好，更不惜向老公「申請」兩年後才計劃生育，她說：「因為我係完美主義者，所以一學就希望盡能力做到最好，依家希望考到芭蕾舞最高嘅級數，亦同老公傾好咗兩年後先會有生BB嘅計劃，等我可以有兩年時間完成目標。」
泳嫻在電視劇《心戰》中飾演警察臥底而獲得不少好評，她坦言感激監製戚其義給她機會：「佢好了解我，知道乜嘢角色適合我，一直都好想多謝佢，個劇播到我死嗰集都仲收到好多朋友嘅電話，回響都幾大，好開心！」
不怕艱苦的羅泳嫻，擺出優雅的舞姿。