陳芷菁樂做煮飯婆
藝人陳芷菁日前為代言的廚具品牌拍廣告，向來注重健康的她，平日盡量親自下廚及煲湯，更自誇女兒最愛吃她煮的食物，但埋怨老公食得太肥膩。已考獲多個專業資格的芷青，現正修讀老人營養學，她說：「我好注重健康，遇到唔識嘅嘢又唔想係咁問人，加上好鍾意讀書，所以求人不如求己，嚟緊年底就考證書！」
事業、愛情兩得意的她，自覺非常幸福，更大讚老公廚藝精湛：「佢已經買定餸返屋企，陣間接我收工，夜晚煮海鮮大餐畀我食！」她的女兒亦十分孝順，日前父親節一早起床，為爸爸炮製愛心早餐：「佢整咗個環保枕頭畀爸爸，其中一面畫咗個樣，佢話唔甩色，但我放喺梳化度即刻染晒色，我唔畀佢拎上床！」
陳芷菁修讀營養學，為家人炮製健康美食。
陳芷菁女兒炮製的父親節愛心早餐。