黃光亮謝絕契祖藍
王祖藍、黃光亮、萬綺雯及郭晉安等昨日出席新劇《老表，你好嘢！》造型活動，祖藍與黃光亮飾演父子，早前有傳他們是「真父子」，但黃光亮打量祖藍後坦言一點也不似。問到是否覺得自己更靚仔，他說：「靚仔係點解？係點寫？」祖藍即說：「我都唔知，所以我哋應該係兩父子，覺得我哋最似係個發達鼻。」有記者叫二人上契，黃光亮說：「唔好搞呢啲嘢！」之後又問祖藍：「你發育未呀？高番啲都可能似。」而過檔無綫的萬綺雯首次開劇便擔正做主角，提到比其他前亞視姐仔好運時，她說：「唔好比較，煒哥（陳煒）都好勤力，係實力派，大家做唔同方向嘅嘢。」
