官恩娜（Ella）昨日與關楚耀出席鞋履及配飾品牌店開幕，對於哥哥在微博留言指公司被爆竊，她表示聯絡不到哥哥，不清楚發生甚麼事：「如果錢銀就唔擔心，影響人身安全先緊張，希望佢小心啲！」她不怪哥哥連累她，笑言只希望哥哥少玩微博：「家人係我人生最重要嘅資產，有乜事我會兩脇插刀，依家我係女兒天職保家國，寫衰我唔緊要，但寫我家人就好擔心。」而關楚耀被問到有否幫女友置裝？他說：「冇乜，我好少使錢，公司啱啱出咗呢半年近7位數糧，我會儲住先，但唔係儲老婆本，男人事業為重。」
官恩娜與關楚耀各有另一半，拖手出席活動難免笑容生硬。
