阿澤立定遺囑：瓜咗老婆最開心

患怪病的杜汶澤前晚終於「出關」，增磅兼變雙下巴的他戲言「瓜咗」老婆最開心！

電影《懸紅》演員杜汶澤、萬梓良（萬子）及薛凱琪（Fiona）前晚在apm出席首映，Fiona的緋聞男友方大同亦有捧場。因患米勒費雪症候群在家休養兩個月的阿澤，病愈復出，明顯增磅，雙下巴顯眼，他笑說：「養病嗰陣唔係食就瞓，好似新界隻豬！（康復進度？）好難講完全唔會復發，但機會好微，依家可以玩番空手道。（立定遺囑？）留咗畀老婆，我瓜咗佢就最開心！（全面復出？）會宣傳兩部電影，八月有新戲開。」據知，老闆楊受成對他寵愛有加，豪使六位數買冬蟲草給他補身，難怪他極速康復！

萬梓良詐型

萬子打趣指阿澤搵笨：「宣傳就完啦！佢先嚟病好，搞到我呢啲配角係咁跑宣傳，做主角都冇咁攰！」問到無綫和城電有否斟拍劇？他說：「電視劇資源太緊絀啦！（你太貴？減價？）賣菜咩？誠意最緊要，方逸華搵我就OK！」他在台上大派利是，派了兩封給「乖」Fiona及派了一封指名是田蕊妮的給阿澤。Fiona表示和萬子合作十分開心，又爆阿澤想拜萬子為師。