黃婉曼變太多：對唔住囉

「天氣女郎」黃婉曼最近變得鼻直面尖，惹來整容疑雲，昨日她出席活動時不停按下巴及鼻子力證沒整容，並搞笑地為「變面」道歉，揚言會努力增肥，希望打回原形。

胡杏兒、任達華、前體操名將李小鵬、莊思敏、劉倩婷及李丞責等，昨日與黃婉曼（Icy）一同出席《第三屆「太子珠寶鐘錶精英盃」賽馬日》。對於整容傳聞，Icy解釋「瘦咗令下巴變尖」，期間更不停以手按壓下巴及鼻尖力證沒整容，並無奈地說：「朋友話我塊面太尖，冇厘貴格，所以我決定增肥，瘦得咁辛苦又畀人話。如果大家覺得我變得太多，對唔住囉！我會肥番啲！」

Icy又否認說過「唔整容點會紅」，她理直氣壯地說：「我之前報告天氣都唔係靠個樣先紅。（咁你有冇整容？）箍牙都算整容。如果我真係整咗容會好靚，啲人攞以前嘅相比較。我依家比起高峰期瘦咗20磅。（咩方法瘦下巴﹖）唔喺度講，費事畀人話我死撐。可能我以前好唔靚，所以大家覺得我同以前好唔同，以前大家集中睇我身材，依家睇樣，希望會轉為集中睇我個腦。（後悔？）靚係冇罪！」

杏兒慶幸冇Facebook

另一邊廂，提到剛被Foul的應屆港姐佳麗有慾照流出，選美出身的杏兒勸喻有意參選港姐的女孩不要拍慾照兼高呼幸運：「好彩我選嗰陣未有Facebook，唔會有相流出，不過我都冇影！」問到是否選完就可以影？她竟口快快說：「係呀！」引來一陣哄笑。