陳小春Live節目爆粗
陳小春、湯盈盈、陳偉霆、鍾舒漫和商天娥等前晚出席無綫直播節目《情牽好客自家人》。小春在趣劇環節爆出粗鄙俗語：「Oh Shxt！」無綫外事部副總監曾醒明昨日回應：「陳小春表現過於投入，雖然呢句唔算粗口，但若果係錄影，一定會刪走。」
而湯盈盈以順德人身份撐場：「我係順德人，過嚟幫手。（順德鄉親叫你帶錢嘉樂回鄉？）冇，我啲表哥以為佢係蠱惑仔，因為佢哋好鍾意睇戲，但加拿大親戚就以為我結咗婚，順德鄉親冇催婚，我哋都唔心急，遲啲先算。」陳偉霆則說：「我係廣東雲浮人，之前拍特輯返過去尋訪我阿爺條村，雲浮盛產真男人，我都受啟發，做事要有毅力。」至於鍾舒漫說：「我屋企人成日講客家話，但我係識聽唔識講。」
小春（左起）、湯盈盈和娥姐演出趣劇放笑彈。
陳偉霆在台上勁歌熱舞。