密友出局陳潔玲壓力大到喊
鍾麗與陳華鑫被Foul出局，親密戰友陳潔玲和朱千雪戥她們唔抵而喪喊送別！狂拭淚的陳潔玲送別時坦言壓力大：「參選時唔知咁樣淘汰！（互片唔公平？）又唔可以用唔公平呢個字眼，但我哋臨時先知要投票互片，覺得好殘忍！當時我都覺得陳華鑫會出局……（點解？）唉……唔知呀！其實我好鍾意佢，好戥佢唔抵！（互片下冇晒啲靚女？）嚟緊可能有其他淘汰！」同樣有幸留低的朱千雪則說：「好唔捨得班佳麗！（唔公平？）當初唔知係咁，有啲驚訝！」
另外，尤蔭蔭因在港姐Fansbook上留言：「原本今日要在UCLA行畢業禮，但最後在倫敦同其他佳麗一齊度過。」而惹來圍插，被叫應退賽去行畢業禮，又被鬧肥、腫、脹、醜難分等！
陳潔玲與朱千雪難捨被Foul佳麗，忍不住當場喪喊！
朱千雪
雖然尤蔭蔭成功入圍，卻惹來一堆負面批評。