陳爽收五卡鑽戒嫁金融才俊

2007年國際中華小姐季軍陳爽，於今年29歲生日前覓得如意郎君，將下嫁金融才俊Anthony Leung。在盛女氾濫的年代，有甚麼比30歲前嫁到個好老公，更稱得上幸福？

對陳爽而言，今年29歲生日的最佳禮物不是五卡鑽戒，而是終於在30歲前出嫁，她說：「我同男友拍咗拖年幾，時間唔算好長，我識佢時我正想轉工，初初由藝人轉職航空公司真係好辛苦，佢畀咗好多鼓勵同支持我，抽好多時間陪我傾偈，教我點樣處理人事關係，真係好感動。有時我會發脾氣，唔係公主病呀！咁女仔吖嘛！但男友都處理得好好，絕對愛得過！」

熱愛演藝事業

讀經濟學出身、現職香港航空營業及市場部企業銷售經理的陳爽，屬高學歷、高收入一群，但快將脫離《經濟學人》「Asia's Lonely Hearts」行列，與男友拉埋天窗，她說：「雖然我轉職航空公司一年幾，但我覺得同娛樂圈好似冇分開，工作上好多時都會接觸到唔同嘅傳媒，譬如今屆港姐倫敦之旅同無綫劇《衝上雲霄2》，我都有幫手Line Up，仲傾緊客串《衝2》添！」

提到對演藝事業的期望，她說：「我對演藝嘅心係有嘅，我好享受演繹角色，但講到想做啲咩成績，就隨緣啦！我唔貪心要做最佳女主角，只係儲啲演出經驗。」