黎諾懿Hea爆為冧女

黎諾懿與朱慧敏（Queenie）首次飾演螢幕情侶，鏡頭前是鬥氣冤家，鏡頭後亦「入戲太深」，黎諾懿嫌Queenie「高人一等」，Quennie則指其Hea爆性格「難頂」，鬥嘴鬥不停！

無綫小生黎諾懿與港姐出身的朱慧敏（Queenie）首次飾演螢幕情侶，鬥氣之餘亦大鬥演技。Queenie一改以往的戲路，於處境劇《愛．回家》飾演法律界女強人，與黎諾懿飾演的「Hea爆師爺」鬥出愛火花，Queenie說：「我飾演一個曾經選美嘅律師，成日畀人質疑靠美色上位，所以會好自我保護，畀人一種高不可攀嘅感覺！」身旁的黎諾懿即笑說：「佢真係高人一等o架！佢本身已經好高，但仲成日着住對高踭鞋，我強烈要求佢着平底鞋同我演對手戲呀！哈哈！」

被投訴「太入戲」

直率的Queenie大爆黎諾懿於現實中亦如角色般「Hea爆」，笑指他「入戲」：「諾懿一放假就潛水唔見人，想搵佢都好難！佢同個角色一樣『練精學懶』，如果現實生活，我就接受唔到咁嘅男朋友喇，哈哈！」黎諾懿即為自己辯護，他說：「除咗工作以外，我一定會預留時間拍拖、Relax吓，如果唔係個人會好辛苦！」他更「晒命」表示拍拖半年的圈外女友善解人意：「我哋雖然只係拍咗拖半年，但真係好夾，最正嘅就係我唔需要講出口，佢都知我心意﹗」提起女友即咪咪嘴笑，認真羨煞旁人，連戲裏戲外都愛跟他鬥嘴的Queenie，亦沒他咁好氣，讓他繼續晒幸福！