Kellyjackie高低起跌患抑鬱

創作歌手陳曉琪（Kellyjackie）日前與《娛樂onShow》主持人俞詠文大搞新意思，二人一同玩轉香港迪士尼樂園，更破格邊玩機動遊戲邊做訪問，大談Kellyjackie七年事業的高低起跌。

陳曉琪七年前憑《他約我去迪士尼》一曲一炮而紅後，與迪士尼結下了不解緣！日前，她與《娛樂onShow》主持人俞詠文（Angela）一同玩轉迪士尼，更邊玩機動遊戲、邊做訪問！回想七年前，仍是等待會考放榜的Kellyjackie因一曲成名，搖身一變成為歌手，除出唱片外，更奪得十大中文金曲作曲人和金曲金獎，令她恍如置身於夢幻國度！

事業停滯不前

可惜天意弄人，因與前經理人公司的合約問題，令她的事業一度停滯不前，Kellyjackie說：「當時我嘅前路同工作唔知應該點走落去，加上又唔想家人擔心，有段時間仲將自己收埋。記得有一次我起身嗰陣，仲偷偷地見到家人查字典去Check我啲律師信，令我覺得更對佢哋唔住！」

另外，Kellyjackie與Angela玩「玩具兵團跳降傘」時暢談患抑鬱症的經過，Kellyjackie表示曾經「一日講唔夠十句嘢」，不過在訪問期間，她們在冇心理準備的情況下被機動遊戲升起，令二人「嘩」聲四起，非常驚險！

其後，兩人維持High爆心情，繼續邊玩咖啡杯，邊談減肥經驗，原來Kellyjackie在最高峰時重140磅，幸好現在已經回復苗條身形：「之前試過用唔同方法減肥，發覺最Work都係早睡早起、均衡飲食、常做運動，當然唔少得保持心境開朗！」