譚凱琪 遇「鬼上身」喪喊
有線旅遊節目主持譚凱琪（Zoie），早前擔任《怪談》節目主持數個月，她坦言「任期」這麼短是因心理壓太大：「唔想成日喊苦喊忽。」她透露之前隨攝製隊到猛鬼橋拍攝，見識到「鬼上身」，令她嚇至當場嚎哭！她說：「嗰個人突然發晒癲咁，猛話要衝落河，我企喺條河隔籬，好驚佢有生命危險或者突然有隻手掹我落水，所以喊咗出嚟！」當晚她不敢半夜獨自留在家中，要找看更吹水及朋友吃消夜打發時間：「等到天光先敢返屋企，之後失眠足一個星期。」
Zoie指拍攝該個節目後，連出Trip住酒店都會疑神疑鬼：「喺酒店落妝嗰陣，好驚照鏡嗰個唔係自己，又好驚打開浴簾會突然有人，又驚瞓瞓吓覺擘大眼會有人企喺床尾。」
譚凱琪拍完《怪談》後，搞到成日疑神疑鬼！