蔡少芬陳豪橫店拍劇淪人肉布景板
蔡少芬（Ada）與陳豪昨日在橫店影視城拍攝無綫新劇《金枝慾孽貳》，吸引半百支付了約一百元人民幣入場費的遊客「觀星」，二人忙於與粉絲合照，訪問時亦慘成人肉布景板。Ada受訪時直認內地劇酬因《後宮甄嬛傳》而增加，還自爆愛女經常「樹熊上身」。對於昨日有內地消息指Ada與代言公司捲入合約糾紛，其經理人表示官司仍在內地審理，並指Ada對此感憤怒：「份約過咗期，佢哋仲登廣告，我哋發咗幾次警告信，佢哋唔理，仲反告Ada懷孕係冇履行合約，合約冇註明懷孕係違約！」至於陳豪則笑指與曬到出雀斑的女友陳茵媺（Aimee）同病相憐：「我尋日曬咗一日都紅晒！」
陳豪跟Ada到橫店拍劇，齊齊做人肉布景板任影唔嬲。
Ada（左）受訪期間，大批遊客爭相與她合照，場面混亂。