周家蔚改定BB名等派彩

洪天明太太周家蔚、金剛和陳美詩昨日出席美容集團活動，由於家蔚在微博透露已替子女改好英文名，問到是否有好消息？她說：「試緊！依家機會率係五十五十，已經好努力，再下個月先知。（老爺催？）唔關事，係自己心急！」而金剛被問到緋聞女友蔡慧欣的前男友據聞是江湖人士時，他說：「以佢嘅性格唔可能同江湖人一齊喎！佢咁蠢！（夠唔夠膽追江湖大嫂？）如果對方有另一半就唔會追求。」另外，陳美詩自爆在家煲湯給男友孫耀威享用時，不小心燙傷大腿。問到知否林以諾牧師批評同性戀的言論？她坦言知道：「同性戀係特別現象，我冇足夠知識去答咁深奧嘅問題，但好肯定神會愛所有人，唔理佢係咩性向！」

陳美詩（右）性感上陣，比周家蔚養眼得多！