徐靖雯深宵遇劫追賊受傷

徐靖雯早前在中環遭搶劫，與匪徒拉扯時，手臂慘被弄傷。被搶走手袋及手機後，她追趕賊人，幸好途中遇上休班警察，當場制服賊人，最終物歸原主，但她卻嚇得魂飛魄散。

模特兒徐靖雯（Jenny）上周五在中環被搶劫，與賊人拉扯時慘被弄傷，她猶有餘悸地說：「嗰晚我同朋友飲完嘢，大約凌晨一兩點，分開後我自己行到去街口，突然有人從後扯走我個手袋，之後仲想搶走我手上部電話！我同佢拉扯，但都畀佢搶走咗！」

休班警制服匪徒

財物頓失的Jenny立刻追趕賊人，跑了數十米後剛巧遇上一名休班警察，對方把賊人制服。而日前她與公司同事在中環茶敍，戴黑超、穿背心的她左臂有明顯瘀痕。

首次遇劫的她雖無損失，但嚇得腦袋一片空白，不懂反應：「真係好驚！仲以為中環好安全，我平時都好少出夜街，以後會更加小心，朋友都覺好猖狂！（男友周子揚係咪好擔心？）佢知道後好擔心我，亦有安慰我。（叫佢接送？）唔會啦，佢住得好遠。其實呢啲嘢控制唔到，最緊要保護自己！」