鍾一憲斥密友激凸惡心

歌手鍾一憲（Jason）再惹「斷背緋聞」！昨日本報獲讀者提供聲稱是Jason與舊愛的蜜照及舊愛的激凸照，但Jason否認該人是其舊愛，更大呼激凸相：「好惡心！」

據讀者爆料指Jason「舊愛」名為Gregory，現任職於黃埔某咖啡店。Jason與Gregory在多張合照猶如黐頭芒，表現老友，還有Gregory疑似在任職咖啡店的照片，其中一張Gregory更半裸躺在藤椅上，其激凸泳褲Look斷背味甚濃！

「舊愛」性向成疑

昨日記者致電Jason求證，他承認與Gregory相識多年，跟隨同一位唱歌老師，但只是朋友關係，已很少來往。問到是否對方求愛不遂整蠱他？Jason稱不知對方是否同性戀者，對方亦沒有追求過他。提到Gregory拍下「激凸」照片，Jason說：「以前大班人一齊遊船河有影過泳褲相，佢成日喺Facebook擺自己啲激凸相，好惡心！」

至於屢次被傳是斷背男？他堅稱並非同性戀：「好煩！我有同女仔出街，只係影唔到。依家冇女朋友，好純潔，哈哈！」對於牧師林以諾的同性戀言論風波，他說：「荒謬！河水不犯井水，佢咁講會誤導人，同魔鬼冇分別。」