羽翹窮爆做伸手黨
擅長教化妝及彈琴的女歌手羽翹坦言，雖然初入行時有5位數字底薪，但頭兩年工作仍是「1蚊都冇落袋」！她大爆新人開支甚多，無論車費、置裝費都相當「乸脷」，試過最誇張一星期花了幾千元搭的士：「我住得遠，每次坐的士過隧道費都要70蚊，一個星期嘅的士錢已經佔咗大部分糧！」
羽翹坦言要向家人做「伸手黨」，每月攞3千元零用錢：「好彩我唔使養家，亦都少使錢，衫都唔多件！（畀家用屋企？）冇呀！買禮物畀父母咋！」她自爆以前曾教琴及補習，每月賺2萬元，收入好過做歌手：「最窮時，我銀行戶口得番幾十蚊，就連增值八達通都要媽咪代勞！」難怪她慨嘆做新人是全世界最窮的職業！
羽翹自爆最窮困時期，銀行戶口只剩數十元。