Jeana靠獨家Tee落吧獵仔

好多人話歐國盃期間，男人會掛住睇波，搞到周街都係「足球寡婦」。Jeana（何佩瑜）樣靚身材正，被追經驗多籮籮，佢話有危先有機，呢個時候反而係全城盛女「獵男」嘅好時機。Jeana建議女仔可以着上DIY性感波衫「應節」，落吧結識睇波型男，大家咁啱嘴形，應該可以火速撻着！

細碼波衫晒線條

Jeana拍過《喜愛夜蒲》，對夜蒲生活當然瞭如指掌，佢已完全掌握男人心態，絕對有資格做盛女嘅「人生導師」：「男人着波衫可能就老土少少，但女仔着就完全唔同喇！絕對可以帶畀男士新鮮感。當然件波衫要考究啲啦！姊妹們可以考慮着女裝細碼，可以騷到優美曲線吖嘛！」

Jeana仲有好多橋：「如果再花心思啲，可以攞把鉸剪出嚟，發揮Design天分，呢度剪一忽、嗰度又剪一忽，設計出獨一無二嘅自家球衣。當然剪到露腰會吸引啲啦！行出街包保你Outstanding！」

灣仔清吧多型男

歐國盃期間好多酒吧都爆場，冇位點算先？Jeana說：「油尖旺酒吧到時會爆晒，所以各位姊妹應該去遠少少嘅灣仔清吧玩。灣仔一來冇咁雜，二來唔會咁多人，開波時間肯定有好多睇波型男聚集，到時佢哋見到你，可能唔得閒睇波，只係同你傾偈喇！」

聽落Jeana呢條橋真係掂，如果大家都Buy，可登入由《東方日報》、《太陽報》及《on.cc東方互動》為歐國盃推出嘅「歐國波Something」App，喺入面嘅「歐國妹Polling」中佢會全力打氣，到時就可以同Jeana排排坐睇歐國盃決賽喇！

即時Update戰況

歐洲國家盃開咗波幾日，「歐國波Something」介面當然有Updated啦！「女神19式」每逢大戰日送上，由周秀娜等索女教大家點樣喺賽日同男友增進感情。最勁嘅介面係「即時戰報」同「實況報道」，「即時戰報」立即Update比分，「實況報道」仲利害，開波前已經有晒兩軍陣容，大戰開始就同你緊貼戰情，球場發生緊乜事，邊個入波、邊個攞紅牌即刻話你知，同置身現場一樣！

想同娜姐一齊睇決賽？快啲玩歐國妹Polling投票喇！

名額100名：每位勝出者可攜同一名親友出席2012年7月2日凌晨舉行之「我和女神終極決賽約會@apm」活動，與眾索模近距離睇歐國盃決賽。

遊戲日期：2012年6月1日至6月25日

參加者可於活動期間透過http://football.hkjc.com及「歐國波Something」App，參加歐國妹Polling，為各位歐國妹打氣。參加者每日可進入以上兩個平台各打氣一次。此外，每場球賽開始後的指定時間內，可再進行多一次打氣動作。打氣次數最多及最快的100名參加者，便可出席「我和女神終極決賽約會」活動。

得獎名單：得獎名單將於2012年6月25日於「歐國波Something」App公布，所有得獎者於2012年6月26日至29日期間獲個別通知。