Baby「外貌協會」畀爆分
城嫂熊黛林（Lynn）昨晚與師妹Angelababy一同出席Marc by Marc Jacobs旗艦店開幕酒會。Baby被問到早前黃曉明遭移花接木的裸照時，她說：「有睇過，覺得有少少不雅。（黃曉明知唔知呢件事？）佢應該知道。（你主動提起？）唔好意思嘅！（你覺得佢真人身材點？）我見佢喺電影身材好好。（現實生活呢？）現實生活就唔好講喇！（你鍾意肌肉男？）係，我鍾意肌肉男，我係外貌協會。（畀佢幾多分？）超過滿分。」
此外，Lynn透露已拍完與林峯合作的電影，雖然沒給對方電到，但她大讚對方：「佢都OK o架！佢幾靚仔呀。（佢同郭富城邊個電力勁啲？）兩個都唔同，性格同感覺都唔同。林峯都幾成熟幾Man。」談到父親節，Lynn表示上星期已送了爸爸回南京，希望爸爸身體健康，送他回南京已是最好的禮物。
Baby畀黃曉明超過滿分，真係愛到爆棚。
Lynn讚林峯靚仔，但拒與城城比較。