無綫選擇性「放生」Kelly享特權

環球唱片與無綫關係再度惡化，無綫前晚高調派員採訪同屬四大的華納歌手周柏豪及方大同，明剃環球眼眉；同時，無綫只選擇性訪問向來忠於無綫的環球「一姐」天后陳慧琳（Kelly），並講明Kelly是Special Case（個別例子）才採訪！

無綫與四大唱片公司尚未徹底破冰之際，近日再因簽署備忘錄一事與環球交惡，無綫非戲劇製作總監余詠珊直言雙方「冇偈傾」，雙方關係勢成水火﹗

華納歌手周柏豪、方大同、連詩雅及組合Dear Jane前晚舉行《新城唱好大同唱‧作‧音樂會》，無綫派出娛樂新聞台主播黃建東（Derek），高調訪問柏豪及大同，柏豪大方與他握手，並以廣東話受訪。問到為何採訪華納歌手，Derek說：「今日收到公司通知要嚟，係第一次做番訪問。（環球歌手幾時做？）未收到通知。」華納與環球同屬四大，但無綫率先「放生」華納歌手，擺明高調落環球面！

周柏豪：覺得受重視

不過，華納發言人指旗下歌手不會簽備忘錄，亦未獲邀參加無綫於下月7日舉行的《2012翡翠歌星紅白鬥》。大同接受無綫訪問後說：「無綫訪問我，我梗係做，主導權喺佢哋度！」而柏豪亦表示高興：「每次有人訪問我，都覺得受到重視。」但揚言沒聽過要出席《紅白鬥》。談及無綫與四大關係再度惡劣，柏豪說：「我冇Update，可能我唔八卦，交畀公司處理。」並透露現年83歲的外婆瘦了二、三十磅，令他非常憂心：「醫生Check過冇問題，懷疑同心理有關。（搵女友沖喜？）盡量啦！有冇介紹？（連詩雅？）佢太瘦，婆婆鍾意肥肥哋！」

對於無綫高調派員採訪華納歌手，環球高層譚先生說：「好愕然！環球一直有發通告畀無綫，嚟唔嚟係佢哋選擇。（大細超？）唔作回應，係咪同廣告時段有關？」但新城高層朱明銳表示沒有在無綫賣廣告。而同屬四大的SONY則回應：「無綫有請Overseas（海外）歌手出席7月7日嘅活動，去唔去要視乎歌手檔期。（本地歌手？）冇。（簽備忘錄包唔包括台灣歌手？）要了解咗先回應。」

擔心新碟成炮灰

向來效忠無綫的環球「一姐」Kelly，昨晚出席Marc by Marc Jacobs旗艦店開幕酒會時，被問及無綫高調採訪華納歌手一事，她無奈地說：「冇計喎！想知點解要問番無綫，希望件事盡快完結。（恨上無綫？）係呀！多一個平台宣傳係好事！」她坦言歌手受影響：「嚟緊我有新歌，希望宣傳前解決件事，我都想派歌上台（指無綫），希望所有歌手都可以亮相無綫。（出席《紅白鬥》？）係有邀請過，但詳情未知。」雖然與環球仍不和，但無綫昨晚卻派出黎芷珊訪問Kelly，黎芷珊說：「係公司Order，Kelly係Special Case。」環球高層譚先生對此亦不明所以：「可能係廣告商畀錢無綫，買呢個時段廣告。」但品牌方面卻表示沒有在無綫購買廣告時段。