前晚唐詩詠及陳展鵬等《衝呀！瘦薪兵團》劇集演員相約睇首集，失聲的詩詠透露最近拍《神探高倫布》壓力太大，幾乎精神失常：「個角色又顛又慘，令我情緒低落，諗嘢飛來飛去，家人都叫我放鬆啲！」提到被影到拍喊戲時流鼻涕，詩詠即嗌肉酸，怕大家以為是笑片。陳展鵬則表示對新劇期望甚大，問到若收視報捷將如何慶祝？他說：「好似劇中咁裸跑都冇問題，阮兆祥又瘦咗隨時剝得衫。」對於被指與同樣由亞視過檔的陳煒不和，展鵬否認：「係之前少見少傾偈啫！佢好Nice！（話佢寸你？）我個樣仲寸啦！」
陳展鵬擺出騎呢甫士，逗得唐詩詠笑不攏嘴。
