公司惡鬥棋子 Kay：磨心好辛苦
前日本報率先報道謝安琪（Kay）有意加盟與無綫關係友好的星煥國際，並將與積怨兩年的無綫破冰，下月參與重頭音樂騷《2012翡翠歌星紅白鬥》！Kay昨日以「金酵素」代言人出席《21天健康輕盈美肌盛會》記者會時，開腔回應過檔傳聞，不忘大擦無綫鞋：「我未收到通知，不過我諗個騷（紅白鬥）會幾好睇，如果可以參與會好開心！（成為環球同無綫嘅棋子？）喺呢次風波，我哋（歌手）只係鬥爭嘅犧牲品！成為磨心好辛苦！」
提到無綫人翻看傳她當年推無綫記者咪事件，發現她是無辜者？Kay大叫：「終於有人還我清白！」另一邊廂，環球歌手劉美君昨日表示無懼公司與無綫關係惡化：「做好本分，見到鍾意嘅Job就做！」
謝安琪笑容滿面向無綫賣口乖，似乎破冰有望！
Kay於街頭派宣傳單張，大受粉絲歡迎！