子淇慶幸囡囡男仔頭
「千億新抱」徐子淇大爆囡囡性格似Tomboy，衣着品味跟她完全相反，但認為總比她們太早性感好！
徐子淇前晚以香港智行基金會慈善大使身份出席德國品牌MCM旗艦店周年晚宴，為基金會籌得合共75萬港元。模特兒琦琦、汪圓圓及貝安琪等亦有到場。
問到囡囡會否拿其手袋扮靚，徐子淇即大爆女兒性格Tomboy，迷上美國超級英雄公仔：「大女鍾意英雄人物，感染埋個妹，齊齊鍾意蝙蝠俠同蜘蛛俠。買裙畀佢哋，佢話要褲，買比堅尼又唔肯着，話要着潛水衣。但咁都係好事，見過街上12、3歲嘅女仔已經着短裙露臍，太早性感唔好！」她笑言總好過囡囡想做公主，亦不擔心她們男仔頭，又指如果兒子喜歡女孩子的東西才叫她擔心！
圓圓加讚「分開」
同場的汪圓圓表示父親節會與男友蔡加讚分頭慶祝，她說：「男友慶祝嗰日撞正我朋友生日。」她表示暫未定婚期。而賭王何鴻燊三房千金何超蓮早前率先購下品牌印有英國旗的限量版倫敦奧運背包。
徐子淇透露將舉家出埠旅行。
汪圓圓與琦琦（右）均為晚宴座上客。
超蓮快人一步，率先購入倫奧主題背包。