陪跳水冠軍出騷 思琦妹勾起往事
榮升媽媽的楊思琦，剛以單親媽媽身份過了母親節，昨日出席迎接父親節及奧運的活動，大會安排前奧運跳水冠軍胡佳偕她任揭幕嘉賓，二人在台上分享擔任奧運主持及參加奧運的經歷，思琦曾為無綫擔任2008年北京奧運會節目主持，她說：「有個得獎跳水員突然將啱啱獲獎所得嘅花送畀我，令我受寵若驚。」更煞有介事地搶着說：「我唔識佢o架！依家我連佢係邊個都記唔起。（大會因為你嘅遭遇，刻意安排跳水員做嘉賓？）我唔覺得喎！（你同吳帥仲有冇聯絡？）冇！」
問到父親節怎樣過？她說：「同爸爸過囉！有囡囡三代同堂！（會唔會失落？）唔會。」她表示產後有調理身體，現已回復狀態，加上有媽媽幫手照顧囡囡，可令她安心，還已準備全面復出。
思琦妹在台上跟胡佳保持距離兼零交流。