天明孖實家蔚睇歐國盃
《2012年度歐洲國家盃》已開鑼數天，今晚深夜將會有英格蘭跟法國對戰，料吸引不少男星捱夜睇波，幸而他們的另一半相當體貼，沒有詐型。洪天明前晚錄影無綫歐國盃節目時表示不怕冷落老婆周家蔚：「大家各有興趣，睇波都可以一齊！」至於阮兆祥亦大讚女友夠開通，二人一起經歷過世界盃及奧運，一直給予對方私人空間：「佢知睇波係男人Party，唔會話一定要嚟，佢有時都會陪我睇波，仲會整消夜！」至於任達華則表示跟太太琦琦均支持英格蘭，故會齊齊睇波，但今年因拍戲時間不多，其後會放假一起到倫敦觀看奧運比賽。而「阿姐」汪明荃亦大方陪老公羅家英漏夜睇波，並在微博表示二人邊食米粉邊欣賞賽事！
此外，無綫與now前晚安排陳百祥（阿叻）及李克勤隔空講波逾1分鐘，任無綫嘉賓的阮兆祥認為是好事，但未知是否由無綫過檔now的何麗全促成。
天明不怕因睇波冷落老婆周家蔚，婚後依然互相給予空間。
祥仔大讚女友明白事理，不會阻止他跟朋友睇波。